商品系列: 伊勢角屋麦酒

1575年為咗嚟伊勢神宮參拜嘅人而創立嘅伊勢角屋茶屋。經過4百幾年嘅傳承，透過味噌，醬油嘅釀造技術同經驗，第21代嘅傳人鈴木成宗先生終於喺1997年決定挑戰手工啤酒嘅世界。由伊勢走到世界，佢哋立志要釀造出受世界認可嘅精釀啤酒。喺2003年作為日本第一間酒廠喺Australian International Beer Award 奪得金獎之後。伊勢角屋更喺被譽為啤酒界奧斯卡嘅The International Brewing Awards 中多次獲獎。實力絕對係日本精釀啤酒界嘅龍頭大哥之一。